PONTUS Euxinus

PONTUS Euxinus

vide Axenus. Mare Cimmerium vocat Orosius, Caucaseum Apollonius, l. 4. Mare Ponticum nominant Horat. l. 3. Carm Od. 24. v. 4. et Plut. in Pompeio et Eumenide; Ptol, mare Boreale, et l. 4. ἀξιοθέατον, i. e. maxime spectatu dignum

vocat. Pontum hunc veteres arcui Scythico comparârunt. Manilius, l. 4.

Euxinus Scythicos Pontus sinuatus in arcus.

Dionysius.

Ε᾿κ τοῦ δ᾿ ἄν καὶ Πόντον ἴδοις διθάλαςςον ἐόντα,

Τόρνῳ ἐειδόμενον περιηγέος ἅμματι τόξου.

Strabo: Εἰκάζουςι δε' τινες τὸ χῆμα τῆς περιμέτρου ταύτης εντεταμένῳ Σκυθικῷ τόζῳ. Plin. l. 4. c. 12. Retro curvatus magnô litorum flexu in cornua utrinque porrigitur, ac si plane arcus Scythici forma. Val. Flacc. l. 4. v. 727.

Atque hâc Europam curvis anfractibus angit,

Hâc Asiam, Scythicum specie sinuatus in arcum.

Lucanus. l. 8. v. 178.

Bosporon, et Scythiae curvantem litora Pontum.

Spectamus. —— ——

color illius albus est, unde Theocr. in Dioscuris.

Α᾿ργὼ καὶ νιφόεντος ἀταρτηρὸν ςτόμα Πόντου.

Quaerit Aristoteles in Problem. Cur mare Ponticum candidius sit, quam mare Aegaeum? Respondit, hoc ideo accidere, quod lacus omnes mari sint canditiores; iam vero Pontus, teste Nasone, l. 4. Ep. 10. ex Ponto, v. 61.

——— Stagno similis, pigraeque paludi est.

Quod itaque ab Appiano, et hodie a nautis mare Nigrum dicitur, non ad illius colorem, vel profunditatem, sed caeli conditionem referendum est: unde Pomp. Pontum hunc ait esse nebulosum, cui astipulatur Val. Flacc. l. 4. v. 729.

Illic umbrosae semper stant aequore nubes.

Et Apollonius, Η᾿ ερόεν ςτόμα Πόντου. Huius aquam dulcem esse innuit Strabo, l. 1. Διὸ καὶ γλυκυτάτην εἶαι τὴν Ποντικήν. Eius dulcedinis rationem assignant, cum eodem Strabone, scriptores omnes, concursum scilicet plurimorum in Pontum ingredientium fluminum. Nec tamen existimandum ὅλον δἰ ὅλον, ut ita loquar, mare hoc dulce esse, sed partem tantum eius supernam, infernam autem saisam. Ovid. l. 4. Ep. 10. ex Pont. v. 59.

Copia tot laticum, quas auget, adulterat undas,

Nec patitur vires aequor habere suas.

v. 63.

Innaeat unda freto dulcis, leviorque marina eft;

Quae proprium mixto de sale pontus habet.

Baudrando Pontus Euxinus, vulgo mer Noire, seu mer Maieur Gallis, Maere Maggiore Italis, Germanis Schvvartz zee, Graecis Mauro Thalassa, Turcis Caradenisi, et Russis Zorne More, est inter Moesiam inferiorem et Thraciam ad occasum, Asiam minorem ad meridiem, Colchidem ad ortum, et Sarmatiam Europaeam, et Sarmatiam Asiaticam ad Boream. Ei iungitur palus Maeotis per Bosphorum Cimmerium ad Boream, uti et Propontis per Bosphorum thracium ad austrum. Eius autem parces sunt mare Caucaseum versus Sarmatiam, et mare Phasianum versus Colchidem, uti etiam Carcinites sinus: Et eius maior longitudo ab ortu in occasum est 900. mill. pass. latitudo autem a septentrione in meridiem est 300. mill. pass. circiter; vixque 400. mill. pass. distat ab ora proximiori maris Caspii in occasum, teste Guil. Sansone.